Trajneri Simone Inzaghi, sipas të gjitha gjasave, do të largohet nga skuadra e Interit në fund të këtij edicioni. Tekniku italian ka paralajmëruar largimin nga Interi, pasi nuk është i kënaqur me strategjinë e klubit sa i përket transferimit të lojtarëve për edicionin e ardhshëm, ka shkruar “Il Giornale” të premten.
Po ashtu thuhet se Inzaghi edhe ka refuzuar rinovimin e kontratës me Interin që i skadon në verën e vitit 2025.
Inzaghi është në krye të Interit prej qershorit të vitit 2021, duke u udhëhequr klubin drejt dy kupave e dy Superkupave të Italisë. Këtë edicion Interi prin në Serie A me 44 pikë të mbledhura pas 17 xhirove të luajtura.
