Prokuroria Themelore në Mitrovicë ka bërë të ditur se ka intervistuar në cilësinë e të pandehurit, deputetin e porsazgjedhur serb, Slavko Simiq lidhur me sulmet ndaj gazetarëve në vitin 2023 në Leposaviq.
Simiq, dyshohet se gjatë protestave kundër vizitës së ministrit të Administrimit të Pushtetit Lokal në atë kohë ka dhënë urdhër që të sulmohen gazetarët.
“I pandehuri S.S., dyshohet se me datë 16 qershor 2023, gjatë protestave kundër vizitës së ish-ministrit E.K., në Leposaviq, ka dhënë urdhër që të sulmohen gazetarët, dhe me këtë ka kryer veprën penale për të cilën është intervistuar në Prokurorinë Themelore në Mitrovicë”.
Deputeti i porsazgjedhur dyshohet për veprën penale “Pjesëmarrja në turmë që kryen vepër penale dhe huliganizmi”./teve1.info/
