Fantazia e Ligës së Kampionëve është kthyer, dhe sot nga ora 18:45 do të zhvillohen dy ndeshje. Njëra i takon grupit C, kurse tjera bën pjesë në atë D.
Interi pas humbjes në shtëpi ndaj Bayern Munich, kërkon të këndellet si mysafir i Viktoria Plzenit në “Doosan Arena”, për ndeshjen e fazës së dytë të grupit C.
Si zikaltërit ashtu edhe Plzeni kanë humbur në sfidat e para, dhe ekipa italiane është me favorite në letër, ku do të kërkoj edhe tre pikshin e parë, duke marrë parasysh se gjenden në të ashtuquajturin “Grupi i Vdekjes”.
Michal Bilek dhe Simone Inzaghi i kanë zgjedhur skuadrat që do të zbresin në fushë nga minuta e parë.
Formacioni startues i Viktoria Plzenit: Stanek; Havel, Hejda, Pernica, Jemelka; Kalvach, Bucha; Sykora, Vikanova, Mosquera; Chory
Formacioni startues i Interit: Onana; Skriniar, Acerbi, Bastoni; Dumfries, Barella, Brozovic, Mkhitaryan, Gosens; Correa, Dzeko.
Ndërkaq sfida e cila bën pjesë në grupin D, është mes Sportingut dhe Tottenhamit. Të dy skuadrat në ndeshjen e parë kanë marrë triumf të plotë, derisa tani do të luftojnë për të marrë udhëheqësinë e grupit D.
Trajneri Rubim Amorim dhe Antonio Conte në sfidën që zhvillohet në stadiumin “Estadio Jose Alvalade” te Lisbonës, kanë shfaqur edhe formacionet e tyre.
Formacioni startues i Sporting: Adana; Inacio, Coates, Reis; Porro, Morita, Ugarte, Santos; Trincao, Edwards, Goncalves.
Formacioni i Tottenham: Lloris; Dier, Romero, Davies; Emerson, Hojberg, Bentacur, Perisic; Son, Richarlson; Kane. /Tëvë1/
