Mesfushori i Kombëtares së Shqipërisë, Kristjan Asllani mund të largohet nga skuadra e Interit.
Mediumet italiane kanë raportuar se tek Interi janë të gatshëm ta lirojnë Asllanin, por vetëm nëse marrin ofertën e duhur për kartonin e tij.
Mësohet se Interi është në pritje të ofertave për Asllanin, të cilin po synon ta shes në verën tjetër.
Tek Interi janë të gatshëm të pranojnë oferta deri në 30 milionë euro për Asllanin dhe tashmë interesim për shërbimet e tij, thuhet se kanë shfaqur ekipet nga Anglia.
22-vjeçari është pjesë e Interit prej vitit 2022 dhe me skuadrën e trajnerit Simone Inzaghi, ai tashmë ka të fituar një titull kampioni, një kupë dhe dy Superkupa të Italisë.
Asllani ka kontratë me Interin deri në vitin 2027, ndërsa këtë sezon ka regjistruar 3 paraqitje në Serie A.
Para se t’i bashkohej Interit, Asllani karrierë në Itali ka bërë edhe tek Empoli, ekip ku është zhvilluar si lojtar.
