Skuadra e Interit ka marrë një goditje të rëndë në prag të ndeshjes kampionale kundër Genoas.
Portieri Yan Sommer ka pësuar frakturë në gishtin e madh dhe do të duhet të pauzojë të paktën për tri javë.
Lajmi është konfirmuar edhe nga skuadra italiane dhe mungesa e portierit zviceran do të ndihet shumë tek Interi, pasi Sommer ishte portieri i parë.
Ai menjëherë do ti nënshtrohet terapisë, por nuk pritet të kthehet në fushë deri kah gjysma e muajit të ardhshëm.
Sommer ka regjistruar 25 paraqitje në Serie A këtë sezon, ku ka pësuar 24 gola dhe 11-të herë ka mbajtur portën e paprekur.
Në total, zvicerani ka 35 ndeshje të luajtura me fanellën e Interit deri më tani, ku ka pësuar vetëm 28 gola.
Në mungesë të Sommerit, në portën e Interit pritet të jetë Josep Martinez.
