Skuadra e Interit ka avancuar në gjysmëfinale të Kupës së Italisë, pasi në çerekfinale eliminoi Lazion.
Në duelin e luajtur të martën mbrëma në Milano, Interi triumfoi me rezultatin 2:0, ku një gol e realizoi në pjesën e parë dhe një tjetër në të dytën.
Rezultatin e takimit e zhbllokoi Marko Arnautoviq me një supergol që e realizoi në minutën e 39-të kurse fitoren e Interit e vulosi mesfushori Hakan Calhanoglou.
Calhanoglou shënoi nga penalltia në minutën e 77-të për rezultatin përfundimtar.
Tek Interi startues ishte Kristjan Asllani që u ndëshkua me karton të verdhë dhe luajti deri në minutën e 63-të kurse te skuadra e Lazios prej minutës së 78-të u aktivizua Arijon Ibrahimoviç.
Në gjysmëfinale të Kupës së Italisë, Interi do të përballet me skuadrën e Milanit.
