Skuadra e Interit ka marrë rezultat të favorshëm në ndeshjen e parë të 1/8 së finales të Ligës së Kampionëve ndaj Feyenoordit. Në duelin e parë, të luajtur të mërkurën në Holandë, Interi triumfoi me rezultatin 2:0.
Një gol në pjesën e parë dhe një tjetër në të dytën, siguruan fitoren e ekipit italian, që ishte edhe favorit. Sulmuesit Marcus Thuram dhe Lautaro Martinez shënuan golat në këtë fitore. Thuram në minutën e 38-të zhbllokoi rezultatin kurse Martinez në minutën e 50-të vulosi fitoren e Interit.
Interi ka mundur të fitoj edhe më thellë, por mesfushori Piotr Zielinski dështoi nga penalltia në minutën e 65-të. Mesfushori i Shqipërisë, Kristjan Asllani ishte startues në këtë ndeshje dhe luajti deri në minutën e 81-të. Ndeshja e kthimit mes këtyre dy skuadrave, do të luhet javën tjetër në Itali.
