Nënshkruesit e proklamatës, duke përfshirë më shumë se 200 intelektualë, personalitete publike dhe politikanë, vlerësuan se “ultimatumi perëndimor kërkon heqjen dorë përfundimtare nga Kosova dhe Metohia”.
“Proklamatin e kemi nisur jo më për mbrojtje, por për shpëtimin e Kosovës dhe Metohisë. Thelbi i atij plani është që Serbia të njohë të ashtuquajturën Kosovë. Presidenti Aleksandër Vuçiq tani për tani është zotuar vetëm verbalisht për pranimin e dokumentit me të cilin Serbia njeh të ashtuquajturën Kosovë”, tha njëri përfaqësuesi i “Lëvizjes për Mbrojtjen e Kosovës dhe Metohisë”, Çaslav Koprivica.
Ai vlerësoi se “është me rëndësi thelbësore për mbijetesën e Serbisë” që autoritetet ta refuzojnë dokumentin e ofruar dhe shtoi se nga sot qytetarët mund ta mbështesin shpalljen edhe online.
“Ideja jonë është që më shumë se 80 për qind e qytetarëve të thonë jo për atë që Vuçiq ka ndërmend të bëjë. Presidenti Aleksandar Vuçiq është i gatshëm të njohë Kosovën, për momentin ai është zotuar vetëm verbalisht që ta pranojë dokumentin me të cilin Serbia njeh Kosovën”, tha Koprivica në një konferencë për shtyp në Beograd.
Ai shtoi se për Vuçiqin dhe ndihmësit e tij, “çmimi i shtetit është aftësia për të bërë pazar”.
Në mesin e nënshkruesve të Deklaratës së Shenjtë janë akademikët Danilo Basta, Kosta Çavoski dhe Matija Beçkoviq, regjisori i teatrit Nikola Pejakoviq Kolja, aktori Viktor Savićq presidenti i “Dverit” Boshko Obradoviq dhe të tjerë personalitete.
