Deri në dhjetor të vitit 2022, mbi 80% të pozitave të larta drejtuese nëpër institucione kanë qenë me ushtrues detyre.
Kjo gjendje përkon edhe pas kalimit të më shumë se gjysmës së mandatit të kësaj qeverie.
Andaj sipas Institutit të Kosovës për Drejtësi, është treguar neglizhencë e mosseriozitet nga drejtuesit e institucioneve shtetërore.
“Zëvendësit apo ushtruesit e detyrës i kanë të gjitha kompetencat e plota ligjore në mënyrë që të vazhdojnë dhe të procedojnë tutje me detyrat dhe obligimet të cilat ua njeh ligji, njëlloj sikurse të ishte drejtor apo udhëheqës i institucionit. Mirëpo në planin afatgjatë të njëjtit nuk mund të bëjnë plane strategjike për institucionet ku ata janë duke i drejtuar”, shprehet Lavdim Makshana nga ky institute.
Vazhdimësia e punës në këtë formë, sipas Grupit për Studime Juridike dhe Politike nuk është në përputhje me kornizat ligjore.
Sipas Grupit për Studime Politike dhe Juridike, politikanëve u konvenojnë drejtues me pozita ushtrues detyre.
“Ata persona që caktohen si ushtrues detyre, kanë shpresën se një ditë në proces të rregullt t’a ushtrojnë taman atë pozitë në mënyrë të ligjshme, përderisa politikanëve i’u konvenon që sa më shumë të zgjatet, duke e ditë gjithmonë brishtësinë e këtij raporti” ka thwnw Naser Shumolli nga GLPS.
Tëvë1 ka tentuar të marrë përgjigjje edhe nga Qeveria e Kosovës në lidhje me statistikat e institucioneve me pozita U.D, po ashtu dhe planin për emërimin e këtyre pozitave mirëpo të njëjtit nuk kanë kthyer përgjigjje.
