Meta u jep përdoruesve mundësinë të redaktojnë komentet në Instagram që i lënë në postime, por vetëm brenda 15 minutave pas publikimit.
Kjo është e ngjashme me mënyrën se si aplikacioni i rrjeteve sociale trajton redaktimin e mesazheve, një opsion që u prezantua në vitin 2024, 11 vjet pasi u mundësua dërgimi i mesazheve direkte në Instagram (në vitin 2013).
Përdoruesit tani mund të redaktojnë vetëm komentet që kanë lënë nga llogaria e tyre dhe procesi është i thjeshtë.
Mjafton të preket butoni “Edit” nën komentin e vet për t’u hapur një kuti teksti, ku mund të ndryshohet, rishkruhet ose editohet ajo që është shkruar, dhe më pas të shtypet shenja blu e “tik”-ut për të ruajtur ndryshimet.
Nga Meta thonë se komentet mund të redaktohen sa herë të dëshirohet brenda atij afati 15-minutësh, kështu që nëse nevojiten më shumë ndryshime, opsioni ekziston.
Komentet mund të shfaqen në mënyra të ndryshme në Instagram, përfshirë edhe në Stories që nga viti 2024, prandaj kjo mundësi për redaktim është një shtesë e mirëpritur.
Opsioni i ri është vetëm i fundit në një seri ndryshimesh që Meta ka sjellë në aplikacionin e saj social gjatë muajit të fundit.
Më herët në mars, kompania njoftoi se po heq enkriptimin “end-to-end” nga mesazhet direkte në Instagram.
Në fund të muajit, Meta gjithashtu filloi testimin e Instagram Plus, një shërbim abonimi që zhbllokon mundësi të reja për funksionin Stories në aplikacion.
Një trend i ri po vihet re në mënyrën se si të rinjtë ndajnë përmbajtje në rrjetet sociale, përdorimi i “Close Friends” në Instagram.
Sipas statistikave të fundit, rreth 58% e përdoruesve të rinj preferojnë të publikojnë story vetëm për një grup të kufizuar ndjekësish, në vend të audiencës së gjerë.
Ky ndryshim tregon një zhvendosje nga përmbajtja publike drejt asaj më private dhe më të kontrolluar.
Shumë përdorues ndihen më të lirë të shprehen kur e dinë se përmbajtja shihet vetëm nga miq të afërt, duke ulur presionin social dhe frikën nga gjykimi.
