Drejtoria e Inspeksionit ka bërë të ditur se ka vazhduar me aksionin e lirimeve të hapësirave publike, të cilat shfrytëzohen nga biznese të ndryshme në Prishtinë.
Ditëve të fundit, Drejtoria ka njoftuar se në koordinim me pronarë janë larguar terrasat/konstruksionet, të cilat ishin vendosur në trotuarin përgjatë rrugës “Luan Haradinaj”, konkretisht përballë Stacionit të Policisë.
Në njoftimin e publikuar në Facebook thuhet se: “gradualisht por me shumë përkushtim, Drejtoria e Inspeksionit po ua rikthen hapësirat qytetarëve të Prishtinës”.
