Insektet në masë të madhe kanë “pushtuar” hapësirat e jashtme të shtëpive e të mbjellurave të banorëve të fshatit Jashanicë të Klinës.
Me këtë situatë banorët thonë se po përballen që tri ditë.
“M’kanë befasu kungujt, kungulleshat pse i hajnë edhe me stap e me krejt, speca e sot ia kanë nis edhe qepët, se deri sot nuk i kanë hangër. Trangujt, e krejt çka ka i kanë hangër. Po k’to i harrum, e tash n’shtëpia. Qysh me i largu prej shtëpive, se s’kemi qare pa lëvizë”, ka thënë Ilaz Mulaj, banor i kësaj lagje.
Insekte ka edhe rrugëve të fshatit e mureve të jashtme, tash e tri ditë.
Për t’i larguar këto, banorët kanë përdorur disa mënyra, por pa rezultate.
“Në vlerë 70 euro kam blerë pesticide për më i parandalu këto insekte, që dikush iu thotë karkaleca, e dikush kërcej. Mendum se do t’i hjekim vet, me vetëfinancim me disa gjëra, por jo. Jemi në telashe, mos me na ndihmu komuna ne jemi shumë keq”, shprehet Avdullah Mulaj, banor.
Në teren dolën edhe përfaqësues komunal nga drejtoria e inspeksionit.
Edhe ata u shprehën të shqetësuar me gjendjen në teren.
“E kemi parë se gjendja ishte me të vërtetë shqetësuese dhe alarmante. Si komunë, si institucion nuk kemi ndonjë kompetencë aty, por me inspektorët komunalë kemi bërë një procesverbal nga vendi i ngjarjes, dhe iu jemi drejtuar AVUK, që ky rast të trajtohet me urgjencë, sepse ishte shqetësues”, tha Furk Smajli, drejtor i Drejtorisw sw Inspekcionit në Komunën e Klinës.
Gjatë ditës, nga AVUK, nuk kthyer përgjigje për televizionin se cfarë do të bëjnë me këtë rast.
