Presidenti i FIFA-s, Gianni Infantino ka shpërndarë një video nga takimi i fundit me Ministrinë e Kulturës, Rinisë dhe Sportit të Kosovës, Hajrulla Çeku dhe kryetarin e FFK-së, Agim Ademi.
Disa ditë pas takimit në Cyrih, Infantino ka shpërndarë një video nga vizita e bërë nga Çeku dhe Ademi.
Infantino aty flet për përfundimin e suksesshëm të takimit me Çekun dhe Ademin rreth projektit fantastik të Kosovës rreth investimit në infrastrukturën e futbollit, investimin tek të rinj, si në futbollin e femrave dhe meshkujve.
“Takimi me ministrin e Sportit të Kosovës dhe Presidentin e FFK-së në FIFA në Cyrih. Ne, në FIFA, jemi krenarë që mbështesim projektet e infrastrukturës që po ndërmerren atje dhe që ndihmojnë në zhvillimin afatgjatë të futbollit – si për vajzat ashtu edhe për djemtë”, ka shkruar Infantino.
Ajo që vlen të theksohet është se e gjithë video ishte e montuar në prapavijë me muzikën e njohur shqiptar “Baresha”.
View this post on Instagram
