Gjashtë persona të përfshirë në incidentit që ka ndodhur të dielën pas ndeshjes së futbollit ndërmjet Llapit dhe Ballkanit, ndeshje kjo e zhvilluar në Podujevë janë dërguar në mbajtje.
Sipas komunikatës së PK-së pesë nga ta janë të dyshuar për veprën penale huliganizëm.
“Njësiti i Hetimeve të Përgjithshme (NjHP), që operon në rajonin e Prishtinës, ka punuar intenzivisht për zbardhjen e të gjitha rrethanave që ndërlidhen me incidentin e djeshëm në Podujevë. Pas ekzaminimeve, veprimeve hetimore dhe sigurimit të provave është iniciuar rast për Pjesëmarrje në turmë që kryen vepër penale dhe huliganizëm. Vepër kjo për të cilën hetuesit e NjHP-së,pas intervistimit, me vendim të prokurorit, kanë dërguar në qendrën e mbajtjes pesë persona të dyshuar: A.Sh. mashkull, 21 vjeç E.K, mashkull, 23 vjeç, E.Sh, mashkull, 26 vjeç, M. V, mashkull, 21 vjeç, dhe E.K, mashkull, 21 vjeç”, njofton policia.
Pas ndeshjes tifozët kanë shkaktuar edhe dëme në stadiumin “Zahir Pajaziti”, ku janë dëmtuar disa ulëse. Për këtë në mbajtje është dërguar A.SH, 16-vjeçar.
Policia të dielën kishte shoqëruar 21 persona të përfshirë në këtë rast. Pesë persona kanë pësuar lëndime në mesin e të cilëve dy policë të cilët ishin në detyrë./teve1.info/
