Imeri thotë se Vuçiqi nuk do të marrë pjesë në takim pasi atij mund t’i bëhet presion nga ndërkombëtarët pas rastit të djeshëm ku ai kishte dekoruar policët dhe zyrtarët e tjerë serbë të cilët kanë dhënë dorëheqje ditë më parë nga postet e tyre zyrtare në pjesën veriore të Kosovës.
“Marrja pjesë e tij do të thoshte ndoshta edhe një presion për Serbinë për shkakun se presioni për Kosovën bëhet në mënyrë të vazhdueshme, por presioni për Serbinë për shkakun se siç është parë dje ai ka dekoruar, policët, zyrtarët institucionet tjera që dëshmon që është i gjithë projekti ide e tij dhe prandaj një takim edhe më i madh do të mund të ishte edhe një presion edhe më i madh për Vuçiq”, tha Imeri.
Në emisionin “Këndi i Debatit”, Imeri tha se Vuçiq ka dy tri takime që është duke u shmangur.
“Me gjasë ai dëshirën të shmanget nga këto takime të forumeve të larta edhe ku eventualisht mund të takohet me presidentin francez dhe me kancelarin gjerman. Prandaj unë mendoj se nuk mund të ketë një takim nesër”, shtoi Imeri.
