Kjo pasi që ai vlerëson se vendimmarrja e BE-së dhe politika e jashtme e saj – nuk janë unike.
“Lajcak e ka marrë mesazhin, por vendimmarrja e BE-së dhe ekskluzivisht politika e jashtme e saj nuk janë unike, nuk mund të presim shumë nga një person i vetëm. Është personi i tretë i angazhuar për dialog. BE për bindjen time nuk mund të prodhojë zgjidhje. E kemi të qartë në samitin e fundit u pa që nuk kanë hapa (në procesin integrues) për shtetet që janë mbi 100 vjet shtet si Shqipëria, lëre më ndaj Kosovës që duhet marrë njohjen (nga 5 shtete të BE-së)”, deklaroi ai.
Madje, Imeri në emisionin “Ditari” në Tëvë 1 thekson se mosuniteti i BE-së vërehet edhe në Këshillin e Ministrave, ku bëjnë pjesë pesë vendet që se kanë njohur Pavarësinë e Kosovës.
“Ne i kemi plotësuar kriteret prej kohësh. BE nuk e njeh Kosovën, përveç Parlamentit Evropian, sepse BE funksionon me një zë unik dhe atë zë unik e kanë në raste të rralla ose kur rrezikohen të gjithë. Pra fatkeqësia është këtu, mënyra e vendimmarrjes në BE dhe në veçanti e Këshilit të Ministrave ku vendoset për liberalizimin bëjnë pjesë ministrat e të gjitha shteteve të kësaj strukture, pesë nga ta nuk e njohin pavarëisnë. Po supozojmë se votojnë për, kemi shtete që kanë interesa gjeostrategjike ajo mund të hezitojë sepse dëshiron të tregohet faktori më i rëndësishëm i politikave të BE-së”, tha ai./teve1.info/
