Profesori i Shkencave Politike, Dorajet Imeri ka thënë se partitë politike në Kosovë janë duke bërë një punë të shkëlqyeshme në fushatë.
Ai tha se ajo çfarë është vërejtur është se është një fushatë relativisht e shkolluar dhe me gjuhë të kujdesshme.
“Unë e vërej që është një fushatë realitivisht e shkolluar nga të gjitha partitë politike. Partitë politike synojnë fillimisht që të shpalosin disa elemente të programeve të tyre, sepse e dinë që fushata do të jetë tepër e gjatë dhe natyrisht duhet që të ruhet secili argument politik që të moskonsumohet në fillim sepse pastaj në fundin e fushatës nuk ka çfarë të prezantohet më tej”, ka thënë ai në emisionin “Këndi i Debatit” në Tëvë1.
Ai tha se gjithë kjo është strategji e partive dhe se shpërthimin e tyre e sheh pas disa ditësh.
“Unë konsideroj që është e gjitha strategjike. PDK në qasjen e saj është tepër përafruese, e butë më një qasje shumë të matur dhe të kujdesshme… LDK synon ta bej opozitën, sepse beteja do të jetë edhe në mes partive se cila do të jetë realisht opozita, po ashtu synon të këndellët sepse në zgjedhjet e kaluara ka marrë një goditje tepër të madhe… Partitë politike në Kosovë po e bëjnë një punë të shkëlqyeshme në fushatë…Pritet që të ketë një shpërthim pas disa ditësh”, ka thënë ai.
