Mirëpo, sipas Imerit ata persona urdhrat i kanë marrë nga lart, por megjithatë u larguan përsëri nga salla që mbahej kongresi pa bërë ndonjë problem.
“Mirëpo, përsëri shkoi si më së miri, edhe pse tentuan disa persona që nuk dua ti flas me emra, sepse provuan të hynë aty pa u nënshkruar në listën e delegatëve për të qëndruar në sallë por megjithatë u larguan. Sigurisht që urdhrat prej lart i kanë marrë që të mos nënshkruhen, megjithatë disa hynë e disa u kthyen në shtëpi, mandej ne vazhduam punimet e kongresit në qetësi sipas pikave të rendit të ditës, do të thotë kuorum ka pasur mjaftueshëm, diku 111 persona, më pas janë zgjedhur komisionet sipas rendit të ditës dhe gjithçka ka funksionuar për mrekulli”, tha Imeri në emisionin “Ditari” në Tëvë1.
Gjithashtu, ajo tregoi se pati edhe bojkot e presion të vazhdueshëm nga ana e ish-kryetarit të mos marrin pjesë në kongres.
“Sot ka qenë vetëm vazhdimësi e kongresit të datës 7 prill, sot ka shkuar shumë në rregull, edhe pse pati bojkot nga ana e ish-kryetarit, dhe përveç që pati një bojkot, pati edhe një presion të jashtëzakonshëm në forma të ndryshme që nuk dua t’i përmend nga njëri prej delegatëve i cili më është deklaruar dhe kemi pasur presion të vazhdueshëm të mos marrin pjesë”, tha tutje ajo.
