Ai do ta vizitojë Kosovën me ftesë të Myftiut Naim Tërnava, ka njoftuar Bashkësia Islame e Kosovës.
Imami i Qabesë gjatë qëndrimit në Kosovë do të mbajë hytben e xhumasë në xhaminë “Sulltan Mehmet Fatih” në Prishtinë.
“Me ftesë të kryetarit të Kryesisë së Bashkësisë Islame të Kosovës, Myftiut Naim ef. Tërnava, në Kosovë për vizitë tri ditore do të qëndrojë imami i Qabesë, dr. Abdullah Avad el-Xhuheni. Nesër, e mërkurë, më 28 shtator 2022, do t’i prijë namazit të jacisë në xhamisë “Shuajb Arnauti” në lagjen Mati 1 në Prishtinë. Të enjten, më 29 shtator 2022, do t’i prijë namazit të akshamit në xhaminë “Sinan Pasha” në Prizren. Ndërsa të premten, do ta mbajë hytben e xhumasë në xhaminë “Sulltan Mehmet Fatih” në Prishtinë”,thuhet në njoftimin e BIK-ut./teve1.info/
