Eksperti i çështjeve të sigurisë, Ilir Kulla, në emisionin “Matrix” në Tëvë1 ka paralajmëruar se sulmet e fundit mes Izraelit dhe Iranit po e afërsojnë botën drejt një konflikti të gjerë, madje edhe një lufte botërore.
Kulla theksoi se Irani është një shtet i gatshëm për luftë, veçanërisht për shkak të mbështetjes që ka nga Rusia.
“Ne duhet të kuptojmë se nuk jemi ende në luftë botërore, por po i afrohemi asaj goxha shumë,” tha ai.
Eksperti shtoi se fuqia teknologjike e Izraelit ka qenë vendimtare për realizimin e sulmeve, duke theksuar se vetëm një superfuqi rajonale si Irani, i mbështetur nga një fuqi e madhe si Rusia, mund të kryente një akt të tillë force.
“Pa këtë përparësi teknologjike të Izraelit, Irani do të ishte shumë më i rrezikshëm,” tha Kulla.
