Eksperti i sigurisë dhe marrëdhënieve ndërkombëtare, Ilir Kulla, është nderuar sot me medaljen prestigjioze “Luani i Artë” për Merita të Veçanta, një çmim i akorduar nga Senati i Italisë për personalitete me kontribut të veçantë në fushën e sigurisë, diplomacisë dhe bashkëpunimit ndërkombëtar.
Ceremonia u mbajt në ambientet zyrtare të Senatit, ku përfaqësues të institucioneve italiane dhe personalitete të botës akademike dhe të sigurisë vlerësuan rolin e Kullës në forcimin e stabilitetit rajonal, dialogut ndërkombëtar dhe shkëmbimit të ekspertizës mes Ballkanit dhe Italisë.
Gjatë fjalës së tij, Ilir Kulla u shpreh se çmimi përfaqëson “një përgjegjësi edhe më të madhe për të vijuar punën në shërbim të sigurisë, paqes dhe bashkëpunimit mes shteteve.”
Medalja “Luani i Artë” është një ndër vlerësimet më të njohura që akordon Senati i Italisë për personalitete me ndikim të shquar në shoqëri, kulturë, diplomaci dhe siguri.
Ky vlerësim konsiderohet një konfirmim i rolit të Ilir Kullës si një nga zërat më të rëndësishëm shqiptarë në fushën e analizës strategjike dhe marrëdhënieve ndërkombëtare./teve1.info/
