Pas më shumë se 3 vjetësh, Ilir Avdyli, është larguar nga skuadra e Kf Llapit.
Këtë e bëri të ditur vet portieri në rrjete sociale, që fillimisht e kumtoi lajmin, teksa më pas bëri edhe disa falënderime.
“Me anë të këtij postimi ju njoftoj se me marrëveshje të dyanëshme në mes meje dhe klubit, pas një rrugëtimi prej 3 vite e gjysmë, bashkëpunimi me K.F Llapi ka përfunduar.
Shfrytëzoj rastin që të falenderoj presidentin e klubit z.Beqir Batatina për korrektësinë, kryetrainerin z.Tahir Batatina dhe ndihmësit e tij për besimin që më kanë dhënë gjatë gjithë kësaj kohe.” U shpreh Avdyli në Facebook.
Po ashtu edhe skuadra llapjane, e falënderoi Avdylin në faqen e tyre zyrtare, ku po ashtu i uruan suksese në karrierë.
“Faleminderit, Ilir, për çdo pritje, për çdo moment të veçantë dhe për dashurinë që ke treguar ndaj fanellës sonë. KF Llapi të uron nga zemra suksese të mëdha në kapitullin tënd të ardhshëm.”
Avdyli me Llapin ka luajtur në 142 ndeshje, teksa në 48 prej tyre nuk ka pranuar gol, ndërsa nga ana e trofeve 34-vjeçari e ka një Kupë e Kosovës dhe një Superkupë.
