IKSHPK-ja ka theksuar se sipas të dhënave të Institutit Hidrometeorologjik të Kosovës (IHMK), ajri në Prishtinë sonte është jashtëzakonisht i ndotur, përcjell teve1.info
Të njëjtit po ashtu kanë dhënë disa rekomandime siç është reduktimi i daljeve në qytet, qëndrimi në shtëpi dhe moshapja e dritareve për ajrosje e ndër të tjerash të reduktohet edhe pirja e duhanit jashtë ku ka qarkullim të njerëzve. /Teve1.info/
Këto janë të gjitha rekomandimet e IKSHPK-së:
1. Të redukohen daljet në qytet dhe ne vendet me ajër të ndotur sidomos në mëngjes dhe mbrëmje për personat që kanë sëmundje kronike të sistemit kardiovaskular dhe respirator, fëmijët dhe shtatzënat;
2. Qëndroni në shtëpi dhe mos i hapni dritaret për aerosjen e dhomave.
3. Personat e ndjeshëm nga sëmundjet respiratore që pashmangshëm duhet të dalin në aktivitetet e tyre jashtë shtëpisë të përdorin maska mbrojtëse ose të mbulojnë gojën e hundën me shall.
4. Të redukohet pirjen e duhanit jashtë ku ka qarkullim të njerëzve, e domosdoshmërisht ndalimi i duhanpirjes brenda hapsirave të banimit, punës, shkollave dhe spitaleve.
5. Grupet e popullatës së rrezikuar me sëmundje kronike pulmonare, zemrës, pacientët astmatik dhe të prirur për alergji, të moshuarit, fëmijët e vegjël, gratë shtatzëna rekomandohet që të kalojnë më shumë kohë në mjedise me nivele të ulëta të ndotësve, të tilla si malet dhe vendpushime të shëndetshme.
