Instituti Kombëtar i Shëndetësisë Publike të Kosovës (IKSHPK) ka publikuar një sërë këshillash për mbrojtjen e qytetarëve nga temperaturat e larta.
Përmes një postimi në Facebook, IKSHPK u ka bërë thirrje qytetarëve të shmangin qëndrimin e zgjatur në diell, veçanërisht gjatë orëve të mesditës.
Instituti ka rekomanduar gjithashtu përdorimin e kapelës, syzeve të diellit dhe kremit mbrojtës me faktor të përshtatshëm ndaj rrezatimit ultraviolet (UV).
Po ashtu, qytetarët janë këshilluar të konsumojnë mjaftueshëm ujë dhe lëngje pa sheqer, në mënyrë që të shmangin dehidratimin gjatë ditëve me temperatura të larta./teve1.info/
