Dy variantet e Omicron (BA.1 dhe BA.2) po vazhdojnë të përhapen me pasoja të rënda për shëndetin e qytetarëve dhe me raste fatale, ka bërë të ditur IKSHPK-ja, raporton teve1.info
“IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështërsi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”, thuhet në njoftim.
Tutje IKSHPK-ja ka bërë thirrje që të mos neglizhohen rekomandimet themelore: maska, distanca e higjiena.
Po ashtu në njoftim bëhet thirrje të shmangen edhe udhëtimet e panevojshme.
“Situata epidemiologjike akoma është e rëndë, e javët e fundit me rritje të rasteve në Europë dhe në botë, andaj IKSHPK apelon tek të gjithë qytetarët që të respektohen masat e Qeverisë së Republikës së Kosovës”, është bërë e ditur në njoftimin e IKSHPK-së.
