Gjithashtu, ata kanë paralajmëruar se do ketë vërshime për shkak të reshjeve, e që sipas tyre priten më shumë në pjesën perëndimore dhe jugore, teksa më pas do ta përfshijnë edhe pjesën më të madhe të vendit.
Instituti ka thënë se sasia më e madhe e vërshimeve pritet në pjesën jugore e jugperëndimore të vendit.
“Sipas parashikimeve dhe llogaritjeve të IHMK, (Sektorit të hidrologjisë dhe Prognozave Hidrologjike), duke filluar nga pasditja e datës 08 deri më 09 korrik 2022, pritet të ketë reshje shiu, fillimisht në pjesën perëndimore dhe jugore, të cilat gradualisht do ta përfshinë pjesën më të madhe të vendit, ndërsa intensiteti dhe sasia më e madhe e tyre pritet të jetë në pjesë jugore dhe jugperëndimore të Kosovës”.
Vërshimet e shpejta, sipas institutit, mund të shkaktojnë vështirësi dhe probleme, si në rrëshqitje të dheut, mbyllje të kanalizimeve dhe vështirësi të qarkullimit.
