Për herë të parë, iGjirafa organizon një lansim në mesnatë për gjeneratën e re të iPhone-it, me Prishtina Mall si partner dhe hapësirë pritëse të këtij momenti të veçantë.
Eventi do të fillojë të enjten, më 24 shtator, në ora 23:30, me një atmosferë të shoqëruar nga DJ dhe ushqim, duke krijuar pritjen për momentin e lansimit.
Në ora 00:00, dyert do të hapen për publikun, ku do të bëhet lansimi i parë i këtij lloji në Kosovë, në një dyqan Apple. iGjirafa, partner i autorizuar i Apple në Kosovë, do të mirëpresë klientët që kanë bërë paraprakisht porositë e tyre dhe që do të jenë ndër të parët në Kosovë për ta marrë në duar gjeneratën e re të iPhone-it.
Për ta bërë këtë moment edhe më të veçantë, Prishtina Mall do të hapë dyert jashtë orarit të rregullt, pikërisht në mesnatë, duke krijuar hapësirën për këtë eksperiencë të veçantë të organizuar nga iGjirafa. Gjatë eventit, dyert do të jenë të hapura si për ata që dëshirojnë ta blejnë iPhone-in direkt, ashtu edhe për ata që, pas përfundimit të stokut fillestar, dëshirojnë të bëjnë rezervimin e tyre dhe të regjistrohen në listën e pritjes.
Pas periudhës së porosive paraprake, klientët do të kenë mundësinë të marrin pajisjet e tyre të rezervuara, ndërsa të pranishmit do të mund ta përjetojnë nga afër atmosferën e lansimit dhe të jenë pjesë e momentit kur gjenerata e re e iPhone-it mbërrin zyrtarisht te konsumatorët në Kosovë.
Ky event e vendos iGjirafën në qendër të një prej momenteve më të shumëpritura teknologjike të vitit, duke sjellë në Kosovë formatin e lansimeve “midnight launch” që shoqëron prezantimet e produkteve të reja të Apple në tregje të ndryshme ndërkombëtare.
Përmes këtij bashkëpunimi, iGjirafa dhe Prishtina Mall krijojnë një eksperiencë që shkon përtej blerjes së një pajisjeje të re, duke e kthyer momentin e marrjes së iPhone-it në një ngjarje që fansat e teknologjisë mund ta përjetojnë së bashku.
Të enjten, 24 shtator | 23:30, Prishtina Mall – iGjirafa x Prishtina Mall.
Artikull i sponsorizuar!
