Sa i përket shtrirjes së ujësjellësit në fshatrat që ende nuk e kanë të shtrirë, Idrizi ka thënë se në fshatrat e pjesës lindore do të shtrihet gypi i ujësjellësit por në pjesët më të larta prapë nuk do të ketë ujë të pijshëm.
Ai në emisionin “Ditari” në Tëvë1, deklaroi se janë të detyruar të ndërtojnë një bazent në një pikë të lartë të fshatit Skoqne, ku sipas tij, të gjitha fshatrat e Vushtrrisë më vonë do të furnizohen.
“Fshatrat e pjesës lindore do të shtrihet gypi i ujësjellësit, por ndoshta ato pjesët më të larta të fshatrave prapë nuk do të kenë ujë të pijshëm edhe pse ne do t’i aktivizojmë me shtatë sisteme të pompimit, d.m.th për të çuar ujin edhe në Dumnicë edhe në fshatrat e pjesës lindore, në Stanovcin e Eprëme, Vilanci, Samadrexha, Cecelia, Tërllabuqi etj. Por brenda këtij viti do t’i japim përforcim shtypjes së ujit përmes sistemeve të pompimit, ndërkaq është duke u bërë studimi i fizibilitetit dhe mandej do ta hartojmë edhe projektin sepse jemi të detyruar të ndërtojmë një bazent në një pikë të lartë të fshatit Skoqne e ku më vonë do të furnizohen të gjitha fshatrat”, ka thënë ai.
Sipas Idrizit, me sistemin e pompimit do të kenë mundësi të përfshihen 80% e fshatrave ndërsa, 20% do të mbeten prapë pa u përfshirë.
“Me këtë sistem të pompimit si është planifikuar dhe dizajnuar do të ketë mundësi të përfshihen diku 80% e fshatrave por prapë 20% do të mbetet i pa përfshirë, për shkak të konfiguracionit”, tha Idrizi. /teve1.info/
