Legjenda suedeze, Zlatan Ibrahimoviç, i ftuar special në programin (Ne)uspjeh prvaka, tregoi admirimin e tij për Ronaldo “Fenomenin”. Ndër të tjera, ish-sulmuesi i Milanit u shpreh se braziliani është lojtari më i mirë i të gjitha kohërave për të.
ibra“E shikoja Muhamed Aliun në televizor. Në atë kohë, televizori nuk ishte me ngjyra, ishte gjithçka bardh e zi. E shikoja si fliste, si sillej. Nuk ishte arrogant. Si fëmijë, doja menjëherë të zbuloja se kush ishte. Thashë me vete, dua të jem si ai, por në futboll. Fillova të shikoja ndeshjet dhe atëherë pashë Ronaldo “Fenomenin” për herë të parë. Kur sheh një lojtar si ai, fillon të bësh atë që bën ai. Për mua, Ronaldo ishte dhe mbetet lojtari më i mirë i të gjitha kohërave. Ka shumë lojtarë të shkëlqyer, por për mua, ai është numri një. Instagrami ose YouTube nuk ekzistonin. Shkoja në bibliotekë, kërkoja video, fshihesha për të parë driblimet dhe lëvizjet e tij. Doja t’i mësoja ato truke. Në një farë mënyre përfundova duke ndërtuar stilin tim, përmes Muhamed Aliut dhe Ronaldos”, deklaroi Ibra.
