Në mesin e kërkesave të nivelit lokal, Ibrahimi tha se është nga avokatët e komunave të cilët kërkojnë që koeficienti i tyre të jetë i njëjtë me atë të avokatëve të Avokaturës Shtetërore.
“Avokatët e komunave kërkojnë që koeficienti i avokatëve të komunave të jetë i njëjtë me avokatët e Avokaturës Shtetërore. Në këtë rast kërkohet që për pozita të njëjtë të jetë paga e njëjtë, tash secili avokat, në Avokaturën Shtetërore mund të thonë që janë të stërngarkuar me lëndë, mirëpo edhe në anën tjetër edhe avokatët e komunave janë të stërngarkuar me lëndë. Në disa raste avokatët e komunave vlerat të cilat i mbrojnë ata, interesin publik në nivel lokal kalon me miliona euro. Në këtë rast duhet të ketë barazim të pagave”, tha ai.
Tutje në emisionin “Ditari”, Ibrahimi theksoi se e njëjta kërkesë është edhe për zyrtarët ligjorë, të cilët sipas tij, duhet të trajtohen njëjtë pasi që kryejnë të njëjtën punë me ata të nivelit qendror.
“Ne si Asociacion nuk mund të themi se zyrtarët ligjorë nuk kanë obligime kur duhet t’i trajtojnë pothuajse të gjitha shkresat të cilat vijnë nga ana politike dhe nga ekzekutive e komunave. Secili e ka obligimin e vet, e ka llogaridhënien, e ka barrën e punës. Për këtë arsye nga ana e zyrtarëve mendojmë që çdo zyrtar duhet të trajtohet barabartë me të nivelit qëndror sepse ka obligime”, shtoi Ibrahimi./Teve1.info/
