Njohësi i sigurisë, Nuredin Ibishi, ka deklaruar se Serbia po vazhdon luftën e saj hibride ndaj Kosovës dhe shteteve të tjera të rajonit, duke përdorur forma gjithnjë e më arrogante të ndërhyrjes në sovranitetin e shtetit.
Sipas tij, rasti i plagosjes dhe rrëmbimit të qytetarit serb në veriun e Mitrovicës, i cili më pas është dërguar në spitalin e Nishit, është tregues i qartë i përfshirjes së drejtpërdrejtë të strukturave serbe.
Ai shtoi se regjimi i Vuçiqit, përmes sistemit të luftës hibride dhe trysnisë së brendshme politike, mund të nxisë destabilitet, duke rrezikuar rendin, qetësinë dhe paqen në veri të Kosovës.
“Çështja e luftës hibride të Vuçiqit ndaj Kosovës por edhe ndaj shtetve të tjera vazhdon me forma më arrogante të ndërhyrjes në sovranitetin e shtetit, pra në këtë rast plagosjen e qytetarit të komunitetit serb në veriun e Mitrovicës edhe kindapimin e tij edhe dërgimin në spitalin e Nish-it. KFOR-I edhe pse ka kontroll të vazhdueshme të vijës së kufirit mes Kosovës dhe Serbisë, edhe të policia kufitare e Kosovës duhet të ketë mbikqyrjen e plotë në kuptim që most ë inflitrohen forcat, gjerësisht personat dhe grupet e caktuara nga Serbia, kjo tregon që Serbia me atë sistemin e luftës hibride por edhe trusnis së brendshme për shkak të regjimit të Vuçiqit mund të ndjellë një rrjedhim të prishjes, rendit dhe qetësisë, por njëkohësisht edhe të paqes në këtë pjesë”, ka deklaruar Ibishi në emisionin “Mesditë” në Tëvë1.
