Kishte shkuar si palë në zyrën e një prokurori të Prokurorisë Themelore.
Por kur ky i fundit i ishte kërkuar t’ia lirojë zyrën, i njëjti dyshohet se e kanosi.
Këtu u nevojit edhe ndihma e policisë, të cilët vënë re se i dyshuari kishte pasur të veshur një jelek antiplumb.
“Është arrestuar i dyshuari mashkull kosovar, pasi që nuk kishte liruar zyrën e prokurorit dhe i njëjti ka kanosur me fjalë ankuesin mashkull kosovar. Gjatë kontrollit trupor i dyshuari kishte të veshur një antiplumb, i cili është sekuestruar”.
Ndaj të njëjtit, edhe Prokuroria Themelore në Prishtinë ka parashtruar kërkesë për caktimin e masës së paraburgimit.
“Prokurori i Shtetit ka lëshuar aktvendim mbi ndalimin e personit të dyshuar, për shkak të veprës penale “Kanosja” (ndaj personit zyrtar), më konkretisht ndaj një prokurori të Prokurorisë Themelore në Prishtinë, si dhe për të njëjtin, në Gjykatën Themelore në Prishtinë, ka paraqitur kërkesë për caktimin e masës së paraburgimit”, thuhet në vendim.
Por këtë rast e cilëson shqetësues, ish-kryetari i Gjykatës së Apelit, Hasan Shala.
“Duhet me pasë shumë kujdes pasi një qytetar e merr guximin dhe në zyre të prokurorisë e kërcënon një prokuror kjo dmth shumë e rëndë është për sistemin e drejtësisë pasi cenohet pavarësia e institucionit”, tha ai.
Sipas tij, edhe ekzekutivi duhet pasur kujdes në gjuhën e përdorur ndaj gjyqësorit.
“Kur një deputet, ministër apo kryeministër e gjykon sistemin e drejtësisë atëherë edhe ai e merr guximin edhe imazhi e gjyqësorit e ulin këto deklarata edhe pse iu është tërhequr vërejtja disa herë ekzekutivit që të përmbahet nga deklarimet, vlerësimet dhe vendimeve të gjykatës sepse vlerësimi nga ana e ekzekutivit në vendime konsiderohet si ndërhyrje në sistemin e drejtësisë”, tha Shala.
Sipas Kodit Penal, kushdo që përdor dhunën ose kanosjen sipas paragrafit 1. dhe 2. të nenit 14, konsiderohet kryes i veprës penale.
