Gjykata Themelore në Prishtinë ka vazhduar edhe për dy muaj masën e paraburgimit ndaj Fatmir Shehollit, i cili dyshohet për kryerjen e veprës penale “Spiunazhi” në vazhdimësi.
Zëdhënësja e Gjykatës Themelore në Prishtinë, Mirlinda Gashi, njoftoi për tëvë1.info se vendimi është marrë pas kërkesës së Prokurorisë Speciale të Republikës së Kosovës për vazhdimin e masës së paraburgimit.
Sipas njoftimit, gjyqtarja e procedurës paraprake, pas shqyrtimit të kërkesës së Prokurorisë Speciale, ka aprovuar kërkesën dhe përmes aktvendimit ka vendosur që të pandehurit F.SH. t’i vazhdohet masa e paraburgimit për një periudhë prej dy muajsh.
F.SH. po hetohet nën dyshimin e bazuar se ka kryer veprën penale të spiunazhit në vazhdimësi, ndërsa procedurat ndaj tij vazhdojnë në përputhje me dispozitat ligjore.
