Dy persona kanë pranuar në polici se kanë kryer blerje me kartelë bankare të huaj.
Bëhet fjalë për gjësende në vlerë rreth 200 €, andaj në konsultim me prokurori është iniciuar rasti dhe pas intervistimit të dyshuarit janë liruar në procedurë të rregullt.
Rasti u hap kur një grua në veriun e Mitrovicës, ka njoftuar policinë se i ka humbur kartela e saj bankare dhe përmes saj ishin bërë disa blerje.
Njësitë policore pas hetimit kanë identifikuar dy të dyshuarit të cilët gjatë intervistimit e kanë pranuar se e kanë gjetur kartelën në fjalë.
