Brenda këtyre rafteve janë arkivuar mijëra dokumente.
Të gjitha këto ndodhën në Agjencinë Shtetërore e Arkivave të Kosovës.
Por, asnjë prej tyre, nuk flet për luftën e fundit në Kosovë.
Arsyet se pse arkivi shtetëror i Kosovës, nuk ka dëshmi për krimet serbe në Kosovë, i ka treguar kryeshefi ekzekutiv në këtë agjenci, Bedri Zyberaj.
“Ende nuk kanë dorëzuar dokumentacion, kur e them këtë, dokumentacioni që prodhohet nga fond-krijuesit në Kosovë,sipas ligjit që është në fuqi, dorëzohet pas moshës 30 vjecari, e pastaj arkivi është përgjegjës për ta arkivuar”, tha Zyberaj.
Për këtë, nga arkivi shtetëror i Kosovës, kanë një apel.
“Çdo kush që ka një dokument që ka të bëj me luftën, i bëj thirrje që ta sjell”, shtoi ai.
E atë që nuk e ka arkivi i Kosovës, e posedon Esat Shala.
I riu nga Krajkova e Drenasit, me vetiniciativë ka mbledhur qindra videokaseta e fotografi që dëshmojnë krimet serbe në Kosovë.
“I kam mbi 10 mijë orë incizime të krimeve të luftës në Kosovë”, thotë Shala.
Shala thotë shumë herë u kërcënua për punën që po e bën.
Ndërsa shprehet i gatshëm që materialin ta dorëzoj në duart e shtetit.
“Na jemi të gatshëm me bashkëpununuar”, shtoi ai.
Se fundmi në Kosovë, është rithemeluar Instituti që do të merret me dokumentimin e krimeve të kryera nga shteti serb në Kosovë.
Kronika e realizuar nga gazetari Fidan Zejnullahu.
