Mbrëmë Kosova hapi dyert për shfaqjen e dy filmave “Heshtja vret” dhe “I pabesi”, të ndaluar për emetim nga pushteti serb në Preshevë e Bujanoc. Kështu ka bërë të ditur Ministria E Kulturës, Rinisë dhe Sportit.
“Në sallën e Kino Armata, Kryeministri Albin Kurti, ministri Hajrulla Çeku, ministrja Albulena Haxhiu, deputetë, figura të njohura të artit dhe artdashës, ndoqën filmat e realizuar nën regjinë e Musa Isufit, me skenar të Shkelqim Islamit, producent Gani Veselin, me aktorë nga Kosova, Lugina e Preshevës dhe Maqedonia e Veriut”
“Filmat janë prodhuar me mbështetje të Qeverisë së Kosovës, me qëllim ruajtjen e identitetit dhe kulturës dhe zhvillimin e artit e filmit shqip”, thuhet në njoftim.
