Sipas komunikatës së Prokurorisë, i dëmtuar për 14 muaj rresht është detyruar t’ia kthej të dyshuarit F.Gj. 2 mijë e 800 euro, ndërsa pasi një muaj i dëmtuari nuk arriti t’ia paguaj kamatën prej 200eurove plus njëmijë eurot e borxhit njëjti është detyruar që në të paguaj kamatë ditore prej 20 eurove.
“I pandehuri e paralajmëron se për çdo vonesë duhet të paguaj nga 200 euro kamata mujore. I dëmtuari për 14 muaj rresht vazhdon të paguaj nga 200 euro kamata mujore duke i dhënë në total 2,800 euro të pandehurit, mirëpo më datë 24.01.2022 kur nuk arrin t’ i jap të hollat, i pandehuri e paralajmëron se përveç 1000 (njëmijë) eurove të borxhit dhe 200 eurove në emër të kamatës së muajit janar 2022, për çdo vonesë i dëmtuari duhet të paguaj kamata ditore nga 20 euro, nga të cilat 1,000 euro i dëmtuari i jep më datë 02.02.2022, me ç’rast i pandehuri me paratë e marra arrestohet në flagrancë. Me këto veprime, i pandehuri ka kryer veprën penale “Fajdeja”,thuhet në komunikatë.
Ndërsa, Prokuroria Themelore në Prizren ka ngritur aktakuzë edhe ndaj A.D., i cili me dashje dhe me qëllim që ndihmoj në përfitim të kundërligjshëm të pasurisë personin tjetër – të pandehurin F.Gj., kur i pandehuri F.Gj., nuk ishte prezent, atëherë i dëmtuari Sh.H., i paguante kamatat tek i pandehuri A.D., në mënyrë që ky i fundit të hollat më pas ia dërgonte të pandehurit F.Gj., thuhet në njoftim.
Me këto veprime, ka kryer veprën penale, “Fajdeja në ndihmë” sipas KPRK-së.
Prokuroria Themelore në Prizren, ka ngritur aktakuzë kundër të pandehurve F.Gj., dhe A.D., për shkak të dyshimit të bazuar mirë se të njëjtit kanë kryer veprat penale “Fajdeja” nga neni 331, “Detyrimi” nga neni 328, “Asgjësimi apo dëmtimi i pasurisë” nga neni 321, dhe “Fajdeja në ndihmë” nga neni 331 paragrafi 1 lidhur me nenin 33, të Kodit Penal të Republikës së Kosovës (KPRK),thuhet në komunikatën e Prokurorisë.
