Policia e Kosovës ka bërë të ditur se i mituri që është sulmuar nga një person i panjohur, sot në orët e para të mëngjesit në Fushë-Kosovë, ka deklaruar rrejshëm se i janë grabitur para.
Lidhur me këtë deklarim ndaj të miturit, policia ka iniciuar “Deklarim të rrejshëm”.
“Policia në Fushë Kosovë, sot në orët e hershme të mëngjesit (04:25) është njoftuar se një person mashkull-i mitur, kishte shkuar për të kërkuar ndihmë mjekësore në QKUK, pasi ishte sulmuar nga një i dyshuar te Stacioni Hekurudhor në F. Kosovë”, thuhet në njoftimin e Policisë së Kosovës.
Tutje policia thotë se viktima është sjellë në Stacionin Policor në Fushë-Kosovë, ku i njëjti ka deklaruar se është sulmuar nga një person i panjohur, dhe se kishte mbetur pavetëdije.
Sipas Policisë së Kosovës, viktimës i mungonin 50 euro e që dyshon se ia ka marrë sulmuesi.
Lidhur me këtë rast është njoftuar prokurori kujdestar dhe është iniciuar rast “Grabitje”.
“Policia menjëherë ka filluar ta trajtojë këtë rast, ka mbledhur dëshmi e prova. Nga të gjeturat është ardhur te përfundimi se viktima ka bërë deklarim të rrejshëm kur e ka raportuar rastin ‘Grabitje’. Nga hetimi i rasti është vërtetuar se viktima ka qenë në një aheng (dasmë) në Lagjen 29 në F. Kosovë. Aty ishte sulmuar nga i dyshuari. I ballafaquar me këto fakte viktima ka pranuar se ka inskenuar rastin e ‘Grabitjes’. Policia në koordinim me prokurorinë ka ri-cilësuar rastin në ‘Lëndim i lehtë trupor’ karshi të dyshuarit që kishte sulmuar viktimën. Kurse, ndaj ‘viktimës’ është iniciuar rasti ‘Deklarim i rrejshëm’. Të dyja rastet do të vazhdojnë në procedurë të rregullt”, thuhet tutje në njoftim./teve1.info/
