Policia e Kosovës në bashkëpunim me njësitet e tjera relevante policore kanë arritur të ekstradojnë nga Zvicra për në Kosovë të kërkuarin me urdhërarrest ndërkombëtar.
I dyshuari ishte arrestuar për veprën penale “Kanosje” nga autoritetet zvicerane, pasi që i njëjti kërkohej me urdhërarrest ndërkombëtar të lëshuar nga institucionet e Kosovës.
“Policia e Kosovës, përkatësisht Drejtoria për Bashkëpunim Ndërkombëtar Policor në koordinim dhe bashkëpunim me njësitet tjera relevante të Policisë së Kosovës dhe institucionet e drejtësisë, me datë 17.12.2025 ka bërë ekstradimin e shtetasit kosovar nga Zvicra për në Republikën e Kosovës. I dyshuari ishte arrestuar nga autoritete Zvicerane pasi që i njëjti kërkohej me urdhërarrest ndërkombëtar të lëshuar nga institucionet e drejtësisë së Kosovës për veprën penale “Kanosje”. Ekstradimi u realizua falë bashkëpunimit mes institucioneve të R. Kosovës dhe atyre Zvicerane”, thuhet në njoftimin e Policisë.
Policia ka bërë të ditur se i dyshuari pas ekstradimit u është dorëzuar njësiteve përkatëse të policisë në rajonin e Prizrenit për vazhdim të procedurave të mëtejme ligjore./teve1.info/
