Policia e Kosovës përderisa ishte duke e ndjekur një person me veturë në rrugën “Fahri Fazliu” në Prishtinë, i dyshuari ka refuzuar urdhrat policore dhe ka arrit të largohet duke i rrezikuar zyrtarët, njëri nga të cilët në përpjekje për ta ndaluar të dyshuarin ka përdorë edhe armën zyrtare.
Kështu ka konfirmuar për tëvë1.info zëdhënësi i policisë për rajonin e Prishtinës, Enis Pllana, i cili tha se personi në fjalë pasi ka arritur të largohet, i njëjti ka shkaktuar një aksident trafiku me të lënduar dhe me dëme materiale.
Pllana ka bërë të ditur se lidhur me rastin janë njoftuar edhe institucionet kompetente.
“Sot, rreth orës 12:00, në rrugën “Fahri Fazliu”, zyrtarët e Njësisë për Realizimin e Urdhëresave kanë tentuar të ndalojnë personin e kërkuar L.K. (1996) derisa ishte në një veturë në rrugën e sipërshënuar. I dyshuari ka refuzuar urdhrat policorë dhe ka arrit të largohet duke rrezikuar zyrtarët, njëri nga të cilët në përpjekje për ta ndaluar të dyshuarin ka përdorë edhe armën zyrtare. Personi i dyshuar ka arrit të largohet duke shkaktuar një aksident trafiku me të lënduar dhe dëme materiale. Lidhur me rastin janë njoftuar institucionet kompetente”, ka deklaruar Pllana./teve1.info/
