Sot në varrezat e dëshmorëve i është dhënë lamtumira e fundit rreshterit policor Muhamed Lika, i vrarë nën rrethana ende të paqarta mbrëmë në Kaçanik.
Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.
Kryetari i Komunës së Kaçanikut, Besim Ilazi ka deklaruar sot se nuk dihen ende motivet e vrasjes dhe as kush qëndron prapa saj, por shtoi se organet e hetuesisë po vazhdojnë hetimet.
Kaçaniku ka qenë një komunë mjaftë e qetë dhe vrasja e fundit ka shokuar qytetarët./KP/
