35- vjeçares së vrarë nga ish bashkëshorti, nën emocione të shumta ia dhanë lamtumirën e fundit familjarë e dashamirë.
Atyre iu bashkua edhe një numër më i madh i njerëzve me kurora lulesh.
Rrugës për tek varrezat e fshatit Llugaxhi të Lipjanit, ishte edhe një njësit i Policisë së Kosovës.
Ngushëllimin për humbjen e Hamides dhe fëmijës së saj të palindur, motrat e saj e gjenin tek njëra tjetra.
Prezentë në varrim, ishte edhe Ministrja e Drejtësisë, Albulena Haxhiu dhe zyrtarë tjerë të ministrisë.
Të pranishëm ishin edhe zyrtarë të komunës së Lipjanit dhe Shtimes.
Në xhaminë e fshatit, do të mbahet e pamja për Hamide Magashin, e vrarë përpara Klinikës së Gjinekologjisë në QKUK, ku priste ta sillte në jetë fëmijën e saj të parë.
Hamide Magashi është vrarë të mërkurën para Klinikës së Gjinekologjisë në Prishtinë.
Ajo u vra nga ish-bashkëshorti Sokol Halili, i cili ka bërë vetëvrasje të premten.
Kronika e realizuar nga Florijeta Dernjani