Rreshteri policor, M. L., është vrarë me armë zjarri në afërsi të banesës së tij, mbrëmë rreth orës 23:00 në Kaçanik.
Ndërkohë, i dyshuari për rastin akoma është në arrati.
Nga Policia e Ferizajt kanë bërë të ditur se hetimet janë duke vazhduar.
Ndërkohë, zëdhënësi policor Kanun Veseli ka dhënë detaje se si ka ndodhur vrasja.
“Më 01.04.2025, rreth orës 23:00, kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Viktima është një pjesëtar i Policisë së Kosovës.Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i Policisë ka ndërruar jetë, kjo është konstatuar nga mjekët në këtë qendër.Hetuesit dhe krimteknikët rajonal kanë dalë në vendin e ngjarjes për të kryer ekzaminimet e nevojshme”, njoftoi ai.
Ndërkaq, nuk dihen ende shkaqet se si ka ardhur deri te vrasja./teve1.info/
