Dualidhur u soll në gjykatore.
Sllagjan Trajkoviq, ka prekur fundin e gjykimit të tij për krime lufte.
Në seancën e së martës, ishte planifikuar të thuhen fjalët përfundimtare të palëve.
Në fjalën e saj, Prokuroria Speciale rikapitulloi dëshmitë dhe akuzat për krimet që Trajkoviq, akuzohet se i ka kryer gjatë viteve 1998-1999 në fshatrat e komunës së Vushtrrisë.
Aty u tregua rasti i vrasjes së Hysen Gashi.
“Aty ishin përafërisht 12 anëtarë të cilët po qëndronin në katin e dytë të shtëpisë. Sllagjan Trajkoviq, jo me traktor, por me një veturë mercedes të bardhë 240 dhe me një flamur me shenjnën “rrezik jete”, përsëri thërret “gazdo, gazdo”, del viktima Hysen Gashi dhe para derës së shtëpisë posa arrin, takohet me Sllagjan Trajkoviq dhe një person tjetër, të dy të armatosur dhe me uniformë ushtarake, ku njëri prej tyre shtie me viktimën me armë automatike, ku nga plagët vdes Hysen Gashi”, ka thënë Shamolli.
Gjithë këtë vrasje, përmes dritares e kishte parë i biri 12 vjeçar i Hysen Gashit.
“Mehdi Gashi ishte në katin e dytë të shtëpisë, në momentin që e sheh se çfarë me babain e tij, nga kureshtja lëviz një batanije që ia kishin vendosur dritares për t’u mbuluar, dhe me te parë Sllagjan Trajkoviqi që po lëviz diçka në dritare, shtie në viktimën Mehdi Gashi”, është shprehur tutje Shamolli.
Vrasjet, rrahjet, maltretimet e plaçkitjet, Sllagjan Trajkoviq, sipas prokurorisë nuk i kishte bërë i vetëm.
“Forcat policore srebe në të cilat bënte pjesë i akuzuari, së pari ishin vendosur në shtëpinë e Shaip Zeneli dhe nga aty merrnin urdhra dhe nga aty shpërndaheshin nëpër fshatra ku kryenin krime”, ka theksuar Shamolli.
Në një seancë tjetër do t’i paraqes mbrojtja fjalët përfundimtare, ku më pas pritet edhe caktimi i datës për shpalljen e aktgjykimit.
