Të martën para trupit gjykues në Gjykatën Themelore në Prishtinë, u dëgjua Muhamet Alidemaj, i akuzuari për krime lufte ndaj popullatës civile në Masakrën e Izbicës.
Gjatë marrjes në pyetje nga ana e avokatit të tij Millosh Delevic, i pandehuri pretendoi se që nga shtatori i vitit 1998 deri në mars të vitit 2021 nuk ka qenë në Kosovë.
Por prokurori special Ilir Morina e ballafaqoi atë me disa deklarata të familjareve të tij.
Ndër të tjera prokurori e pyeti nëse është në dijeni se motra e Alidemajt e kishe shpallur të zhdukur atë.
Por pyetjet e prokurorit acaruan avokatin Dejan Vasic.
Pyetje për të akuzuarin pati edhe gjyqtari Vesel Islami.
Avokati i viktimave pyeti Alidemajn nëse ndjen keqardhje për atë që ka ndodhur gjatë luftës.
Alidemaj akuzohet se kishte marrë pjesë bashkë me policë dhe ushtarë serbë në vrasjen e civilëve shqiptarë në masakrën e Izbicës më 1999.
