Arrestohet në Tiranë 52-vjeçari i kërkuar në Maqedoninë e Veriut për vrasjen e tre personave.
I kërkuar nga Maqedonia Veriore për vrasjen e tre personave në fshatin Kopanica në vitin 2007 është arrestuar në Tiranë.
Lajmi është bërë i ditur nga Policia e Shtetit.
52- vjeçari është arrestuar zonën e Liqenit të Thatë.
“Gjatë kontrollit fizik dhe në banesë, këtij shtetasi i janë gjetur dhe sekuestruar 1 pasaportë kosovare, kartë identiteti kosovare dhe leje për drejtim të automjetit, të falsifikuara, me gjenealitetet e një shtetasi nga Kosova. Interpol Tirana në bashkëpunim me Interpol Shkupin, do të vijojë procedurat për ekstradimin e këtij shtetasi, në Maqedoninë e Veriut”, ka njoftuar Policia e Shtetit.
Ai fshihej prej kohësh në Tiranë, duke përdorur dokumente identifikimi të falsifikuara, në emër të një shtetasi nga Kosova.
