Ai po ashtu është dënuar me 100 euro gjobë.
“Trupi gjykues ju dënon me një dënim prej katër vjet e gjysmë burgim duke llogarit kohën e kaluar në paraburgim dhe me një gjobë prej 100 eurosh e cila duhet paguar deri më 18 korrik 2022”, tha kryetari i trupit gjykues.
Sipas aktgjykimit, ata janë shpallur fajtorë për pikën 1 “Pengim të personave zyrtarë në kryerjen e detyrave zyrtare nëpërmjet kërcënimit të rëndë”, pikën 2 “Pengim të personave zyrtarë në kryerjen e detyrave zyrtare nëpërmjet pjesëmarrjes në veprimin e përbashkët të një grupi”, pikën 3 “Frikësim gjatë procedurës penale”, pikën 5 “Shkelje të fshehtësisë së procedurës nëpërmjet zbulimit të paautorizuar të informacionit të fshehtë të nxjerrë në procedura zyrtare” dhe pikën 6 “Shkelje të fshehtësisë së procedurës nëpërmjet zbulimit të paautorizuar të identiteti dhe të dhënave personale të dëshmitarëve të mbrojtur”.
Sipas trupit gjykues, Gucati dhe Nasim Haradinaj kanë zbuluar qëllimshëm emrat e dëshimtarëve. Poashtu është konstatuar edhe pengesa e zyrtarëve në kryerjen e detyrës zyrtare.
Hysni Gucati dhe Nasim Haradinaj u arrestuan më 26 shtator 2020 me urdhër të Gjykatës Speciale. Ata u akuzuan për pengim në administrimin e drejtësisë, frikësim të dëshmitarëve, hakmarrje dhe shkelje të fshehtësisë së procedurës.
Ky është aktgjykimi i parë i Gjykatës Speciale. Gjykimi ka nisur edhe ndaj Hashim Thaçit, Kadri Veselit, Jakup Krasniqit, Rexhep Selimit, Salih Mustafës dhe Pjetër Shalës./Teve1.info/
