Kryetari i komunës së Gjilanit, Alban Hyseni, ka konfirmuar se është ndalur nga autoritetet serbe në pikën kufitare Dheu i Bardhë.
Hyseni ka sqaruar se ishte duke shkuar në ngushëllime për humbjen e vëllaut të kryetarit të komunës së Bujanocit Nagip Arifi, bashkë me deputetin Luan Aliu dhe Kryesuesin e Kuvendit Komunal të Gjilanit, Arianit Sadiku.
Hyseni ka bërë të ditur se është ndalur për 2 orë pa iu dhënë asnjë arsye për këtë.
“Pas më shumë se 2 orë pritje, na u lejua të vazhdojmë udhëtimin tonë, pa na u dhënë asnjë arsye se pse jemi ndalur në këtë pikë kufitare”.
“Ata të diskriminojnë e të ndalin në kufinjë pa arsye, duke përdorur figura politike e qytetarë për tensionimin edhe më tej të situatës së brishtë që gjendemi tani”, ka shkruar Hyseni.
