Ish-ministri i Jashtëm i Kosovës, Skënder Hyseni, ka reaguar për situatën në veri të Kosovës.
Hyseni ka thënë se kryeministri i Kosovës, Albin Kurti dhe presidentja Vjosa Osmani, përfundimisht po e rikthejnë në fuqi Rezolutën 1244 të OKB-së, dhe po e riaktivizojnë UNMIK-un në veri të vendit.
“Marrëveshja e Ohrit dhe gjendja në veriun e Kosovës, nuk mund te shihen si të ndara. Ato janë të ndërlidhura, si shkak dhe pasojë! Marrëveshja e Ohrit ishte marrëveshje e hartuar nga bashkësia ndërkombëtare për ta penguar degradimin e mëtejm të Kosovës dhe marrëdhënieve me Serbinë”, ka shkruar ish-ministri në Facebook.
Ai, ka pyetur se çfarë ka bërë Kurti gjatë këtij viti.
“Qeveria dhe KM Kurti, për fat të keq edhe me përkrahjen herë eksplicite e herë implicite edhe të opozitës aktuale parlamentare, bëri veprime aventureske në veri, duke filluar me target. Këto veprime të pamatura politike, u dhanë një alibi Serbisë dhe serbeve në veri për tensionimin e situates me barrikada dhe tërheqje kolektive nga institucionet shtetërore në të gjitha nivelet, duke përfshirë policinë, prokurorët, gjyqtarët, dhe komplet shërbyesit civilë”, ka shkruar ai.
Hyseni tha se sekretari amerikan Blinken përdori publikisht një gjuhë të cilin nuk është dëgjuar kurrë më parë, kundër veprimeve të Kurtit dhe Osmanit.
Përfund, ish-ministri tha se t’i kundërvihesh politikës amerikane në Kosovë, madje edhe me një gjuhë vullgare, donë të thotë të punosh kundër shtetit të Kosovës.
