Kryetari aktual i Komunës së Gjilanit dhe kandidat edhe për një mandat nga radhët e Lëvizjes Vetëvendosje, ka thënë se gratë dhe vajzat e kësaj komune do të jenë në fokus edhe gjatë mandatit të ardhshëm.
Ai ka premtuar ndërtimin e një strehimore të re për të mbijetuarat e dhunës në familje, subvencionim të pagës për gratë që kanë nevojë për punësim dhe bursa studimore.
“Për të mbijetuarat e dhunës në familje do të ndërtojmë strehimoren e re. Do të subvencionojmë paga për gratë që kanë nevojë për punësim. Do të ofrojmë edhe mundësi bursash studimore për gratë dhe vajzat studente. Përgjatë mandatit të ardhshëm do të vazhdojmë të angazhohemi për barazi, dinjitet dhe mundësi të barabarta për të gjithë”, ka shkruar ai në Facebook.
